Plantun de Prouvènço

Pèr coumpara dos planto d'encò nostre

Bupleurum fruticosum & Frullania dilatata

Lengo-de-cat

Bupleurum fruticosum

Apiaceae Umbelliferae

Àutri noum : Auriho-de-lèbre, Fenoui-de-colo, Taco-bugado.

Noms en français : Buplèvre arbustif, Buplèvre ligneux.

Descripcioun :
La lengo-de-cat es un aubret, souleto Apiaceae coum'acò au nostre, que trachis dins li relarg secarous e cauquié. Si fueio an ges de péu, soun verdalo dessouto, e se ié vèi bèn li costo segoundàri (fotò). Li brout (oumbello) an de 7 à 20 rai. Lou fru, negre un cop madur, porto de costo que se vèson bèn.

Usanço :
Li racino e li fru sarien bon pèr lucha contro lou tussi, l'asme, e pèr ajuda à pissa. Se dis meme que lou fru èro emplega contro li pougnaduro de vipèro.

Port : Aubret
Taio : 1 à 2 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 10 à 12 cm
Flourido : Estiéu

Sòu : Ca
Autour basso e auto : 0 à 1200 m
Aparado : Noun

Liò : Garrigo - Roucaio - Tepiero seco
Estànci : Mesoumediterran
Couroulougi : Estenoumediterranenco
Ref. sc. : Bupleurum fruticosum L., 1753

Frulanìo-boudenflado

Frullania dilatata

Frullaniaceae

Nom en français : Frullanie dilatée.

Descripcioun :
Aquesto epatico di proun coumuno se vèi eisadamen sus li pège e ramo d'aubre. Pu raramen trachis sus de roucas umide. Li fueio verdo soun dins lou meme plan e generalamen aplatado ; emé un lobe doursau redoun e un ventrau en formo de saco o de casque (fotò) tant long que larjo. Li cellulo an de bord mai espès (trigone).

Usanço :
Isto une meno proche, Frullania tamarisci emé de fueio apiculado e un rego d'ocelo sus lou dessubre, e tambèn de saco (dessouto) en long. Coumpara peréu emé lis àutri Porellales.